រដ្ឋបាលស្រុកមង្គលបូរី៖ កម្រិតទឹកស្ទឹងមង្គលបូរីហក់ឡើងខ្លាំងអាចនឹងបង្គគ្រោះទឹកជំ នន់នាពេលខ្លីខាងមុខនេះ

សេចក្ដីប្រកាសព័ត៌មាននេះបាននឲ្យដឹងថា ដោយសារតែនៅប៉ុន្មានថៃ្ងចុងក្រោយនេះ មានភ្លៀងធ្លាក់ជាប្រចាំ រួមទាំង ស្ថានភាពទឹកហូរធ្លាក់ពីផ្នែកខាងលើ តាម បណ្តោយដងស្ទឹង នៃស្រុកបវេល ខេត្តបាត់ដំបង និងទឹកដែលហូរធ្លាក់ពីស្រុកម៉ាឡៃ ធ្វើឱ្យកម្រិតទឹកស្ទឹងមង្គលបូរី មានការហក់ឡើងខ្លាំង នឹងអាចបង្កជាផលប៉ះពាល់ដល់ អាយុ ជីវិតមនុស្ស សត្វ ផ្ទះសម្បែង និងផលដំណាំជាដើម។

ទន្ទឹមនឹងនេះរដ្ឋបាលស្រុកមង្គលបូរីក៏មានណែនាំប្រជាជនដែលនៅតំបន់នោះមានការការពាំរ ព្រមទាំងមានការត្រៀមខ្លួនជាមុន ដូចជា៖ ត្រៀមស្បៀង និងថ្នាំសង្កូវសម្រាប់ទុកបម្រុង រៀបចំទុកដាក់ឯកសារសំខាន់ៗឱ្យបានគង់វង្ស រួមមាន៖ សៀវភៅគ្រួសារ សំបុតអត្រានុកូលដ្ឋាន អត្តសញ្ញាណប័ណ្ណ សញ្ញាបត្រប័ណ្ណកម្មសិទ្ធិនិងឯកសារសំខាន់ៗផ្សេងៗទៀត ហើយជាពិសេសត្រៀមនូវមធ្យោបាយដឹកជញ្ជូន ឬមធ្យោបាយសម្រាប់ទុកជម្លៀសនៅពេលទឹកជំនន់មកដល់ កុំឱ្យក្មេងៗចុះលេងទឹក នៅពេលមានទឹកជំនន់កើតឡើង ត្រូវបិទប្រព័ន្ធអគ្គិសនី និងត្រូវមានការប្រុងប្រយ័ត្នចំពោះសត្វអសិវ ពិសផ្សេងៗ។

សូមបញ្ជាក់ថា បច្ចុប្បន្ន ក្រសួងធនធានទឹក និងឧតុនិយម ក៏កំពុងតែតាមបន្តតាមដាននូវ ព្រឹតិ្តបត្រព័ត៌មាន និងព្យាករណ៏កម្ពស់ទឹកនៅតាមស្ថានីយនីមួយៗផងដែរ៕

អត្ថបទ៖ ហួន ស្រីនីត