លោកឧកញ៉ា តែ តាំងប៉ បានមានប្រសាសន៍ថា «បច្ចុប្បន្ននេះ មានស្ថាប័នហិរញ្ញាវត្ថុចំនួន ៣៣ ដែលកំពុងដំណើរនៅក្នុងធនាគារសហគ្រាសធុនតូច និងមធ្យម (SME Bank) ដោយទុនបានពីធនាគារទាំង៣៣ ដែលបានបរិច្ចាគចំនួន ៩៧,៥លានដុល្លារ បូកនឹងទុន SME Bank ដែលមានស្រាប់ទៀត ៥០លាន សរុបមានប្រហែល ១៥០លានដុល្លារហើយ»។
លោកឧកញ៉ាបានបន្តថា «បញ្ហាមួយទៀត ដែលខាង SME Bank កំណត់រយៈពេល៤ឆ្នាំហ្នឹង គឺថា FASMEC កំពុងតែធ្វើការសម្របសម្រួលចង់ឲ្យរយៈពេលហើយការសងត្រលប់ទៅវិញឲ្យបានយ៉ាងតិច ៦ឆ្នាំ ដើម្បីឲ្យវាងាយស្រួលក្នុងដែល SMEយើង បានសងត្រលប់ទៅវិញ បើក្នុងរយៈពេល៤ឆ្នាំ វាដូចជាលឿន វាខ្លីពេក»។
ចំពោះការបើកធនាគារសហគ្រាសធុនតូច និងមធ្យម(SME Bank) នេះដែរ ត្រូវបានលោក ឈា ឡាហ៊ី ប្រធាននាយកដ្ឋានសហគ្រាសធុនតូច និងមធ្យម នៃក្រសួងឧស្សាហកម្មបញ្ជាក់ថា ថ្វីត្បិតតែធនាគារនេះ បានប្រកាសបើកកាលពីដើមខែមេសាមែន តែរហូតទាល់តែខែកក្កដា ទើបអាចដំណើរការបាន។
ទោះជាយ៉ាងណាក៏ដោយ ដើម្បីដើរឲ្យសភាពការ នឹងអាចដោះស្រាយបញ្ហាជូនសហគ្រាសធុនតូច និងមធ្យមនៅកម្ពុជា ឲ្យបានទាន់ពេលវេលា លោក ឈា ឡាហ៊ី អះអាង នឹងព្យាយាម បើកដំណើរការ SME Bank ឲ្យឆាប់តាមដែលអាចធ្វើទៅបាន។
អត្ថបទគួរអាន
លោកបញ្ជាក់ថា « រាជរដ្ឋាភិបាលបានសម្របសម្រួលជាមួយធនាគារទាំង៣៣ ទាំងក្នុងស្រុកទាំងក្រៅស្រុកទាំងអស់ហ្នឹង ឲ្យគាត់ជួយក្នុងកាលៈទេសៈនេះ ដើម្បីជួយដល់SME របស់យើងឲ្យបានកាន់តែឆាប់កាន់តែល្អ អញ្ចឹងបានយើងដាក់ចេញពីខែ៤មក ដើម្បីSME ទាំងអស់រួសរាន់ទៅទំនាក់ទំនងទៅតាមធនាគារទាំងអស់ហ្នឹងផ្ទាល់ ក្នុងការបំពេញលក្ខខណ្ឌ និងសាកសួរព័ត៌មាននានា ដើម្បីទទួលបានប្រាក់កម្ចីទាំងនោះ»។
បើតាមលោកឧកញ៉ា តែ តាំងប៉ សហគ្រាសធុនតូចនិងមធ្យមទាំងអស់ អាចដាក់ពាក្យស្នើសុំកម្ចីឥណទានសម្រាប់ជាទុនបង្វិល ជាអតិបរមាប្រមាណ ២០ដុល្លារ និងឥណទានសម្រាប់វិនិយោគលើការទិញគ្រឿងបរិក្ខា ឬគ្រឿងផ្សេងៗអាចទទួលបានរហូតដល់ទៅ ៣០ម៉ឺនដុល្លារក្នុងមួយក្រុមហ៊ុន នៅក្នុងអត្រាការប្រាក់ ៧% ក្នុងមួយឆ្នាំ និងពុំមានការបង់ថ្លៃសេវាដំណើរការនៃការកម្ចីឡើយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
