#វិស័យដឹកជញ្ជូន

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់ទិសដៅអភិវឌ្ឍកំពង់ផែស្វយ័តក្រុងព្រះសីហនុឱ្យក្លាយជាមជ្ឈមណ្ឌលភស្តុភាកម្មក្នុងតំបន់នាពេលខាងមុខ ខណៈបច្ចុប្បន្នកំពង់ផែស្វយ័តក្រុងព្រះសីហនុ កំពុងដើរតួនាទីយ៉ាងសំខាន់ក្នុងការរួមចំណែកដល់ការរីកចម្រើនសេដ្ឋកិច្ចជាតិ។ ជាមួយគ្នានេះ ប្រមុខរាជរដ្ឋាភិបាលកម្ពុជា ក៏បានស្នើឱ្យរាជរដ្ឋាភិបាលជប៉ុន សហការជួយដល់កម្ពុជាក្នុងការរៀបចំផែនការមេ និងលើកទឹកចិត្តដល់វិស័យឯកជនជប៉ុន ដើម្បីចូលរួមជាដៃគូគន្លឹះ ធ្វើឱ្យសម្រេចបាននូវទិសដៅដែលបានដាក់ចេញនេះ។