ក្រុមហ៊ុន Kerry WorldBridge Logistics បង្កើនប្រាក់រង្វាន់ដល់ ១៥,០០០ ដុល្លារ តាមរក​អតីត​បុគ្គលិក​ម្នាក់​ ដែលកិបកេងលុយក្រុមហ៊ុន

សាលាដំបូងរាជធានីភ្នំពេញក៏បានចេញដីកាកោះហៅ​បុគ្គល​កិបកេងលុយ​ក្រុមហ៊ុនខាងលើនេះ ឲ្យចូលខ្លួនទៅស្រាយបំភ្លឺឱ្យបានមុនថ្ងៃទី១៧ ខែមិថុនាឆ្នាំ២០២១ ខាងមុខជាកំណត់។

តាមការបញ្ជាក់របស់ក្រុមហ៊ុន Kerry WorldBridge Logistics បុគ្គលដែលជាអតីតបុគ្គលិកក្រុមហ៊ុន ដែលបានលួចកិបកេងប្រាក់ក្រុមហ៊ុននេះ មានឈ្មោះថា គា ហួត មានមុខងារជា គណនេយ្យករ។ ក្រុមហ៊ុន Kerry WorldBridge Logistics ក៏បាន​បញ្ជាក់ទៀតថា រាល់ទង្វើរបស់បុគ្គលម្នាក់នេះបានប្រព្រឹត្ដ លែងមានអ្វីពាក់ព័ន្ធជាមួយនឹងក្រុមហ៊ុនតទៀតហើយ។

ប្រសិនបើអ្នកបានប្រទះឃើញបុគ្គលនេះ​នៅទីកន្លែងណា សូមមេត្តា​ជួយផ្ដល់ដំណឹង​ដល់​នាយកដ្ឋានរដ្ឋបាល និងធនធានមនុស្ស​តាមរយៈលេខទូរស័ព្ទ៖ ០៧៨ ៧០ ៧០ ៨៣ ឬ០៨៩ ៣៨៣ ៤០៩។ ក្រុមហ៊ុននឹង​ជូនរង្វាន់លើកទឹកចិត្ត​ចំនួន ១៥,០០០ដុល្លារអាមេរិក៕