![ស្វែងយល់អំពី ជំងឺមហារីកឈាម និងវិធីព្យាបាល](https://cdn.cambonomist.com/media/images/Thumnbnail-fl_tJ97z25.2e16d0ba.fill-960x540.jpg)
តើជំងឺមហារីកឈាមមានប៉ុន្មានប្រភេទដែលច្រើនកើតមាននៅលើមនុស្សនាពេលបច្ចុប្បន្ន?
តាមការបញ្ជាក់របស់លោកវេជ្ជបណ្ឌិត លីម ជឺអ៊ី អ្នកឯកទេសឈាម នៅមជ្ឍមណ្ឌលឯកទេសឈាម នៃមន្ទីរពេទ្យ ម៉ោន អេលីហ្សាប៊ែតណវីណា (Dr Lim Zi Yi, Hematologist, Centre for Clinical Haematology at Mount Elizabeth Novena Hospital) នៃប្រទេសសិង្ហបុរី បានឲ្យដឹងថា ឈាមមានតួនាទីសំខាន់នៅក្នុងសព៌ាង្គកាយមនុស្ស ដូចជាការបញ្ចូនអុកស៊ីហ្សែន និងការការពារកុំឲ្យមានការឆ្លងជំងឺផ្សេងៗ ហើយឈាមខ្លួនឯងក៏មានតួនាទីទប់ឈាម (កកឈាម) កុំឲ្យហូរនៅពេលមានរបួសមុតចេញឈាមជាដើម។
![116357275_hires_DI](https://cdn.cambonomist.com/media/images/116357275_hires_DI.original.jpg)
ប៉ុន្ដែ កាលណាឈាមមានបញ្ហា ខុសប្រក្រតី វាក៏ធ្វើឲ្យយើងមានប្រឈមនឹងជំងឺផ្សេងៗដែរ ពិសេស គឺការវិវត្តទៅរកជំងឺមហារីកឈាម។ បើតាមលោកវេជ្ជ លីម ជឺអ៊ី ជំងឺមហារីកឈាមត្រូវបានបែងចែកជា៣ប្រភេទ គឺ ទី១ ប្រភេទ Lymphoma ដែលមានករណីការកើតឡើងច្រើនជាងគេ។ ទី២ គឺ ប្រភេទ Leukaemia ជាប្រភេទជំងឺមហារីកគ្រាប់ឈាមស។ និងទី៣ គឺប្រភេទ Myeloma ដែលជាប្រភេទ មហារីកឈាម ដែលបង្កផលប៉ះពាល់ដល់តម្រង់នោម និងឆ្អឹង។
![Lim Yaohui_eLYH_2124](https://cdn.cambonomist.com/media/images/Lim_Yaohui_eLYH_2124.original.jpg)
តើមានរោគសញ្ញាអ្វីខ្លះ ដែលអ្នកជំងឺឈាមតែងជួបប្រទះ?
បើតាមការបញ្ជាក់របស់លោកវេជ្ជបណ្ឌិត លីម ជឺអ៊ី មានករណីខ្លះ អ្នកជំងឺឈាមមិនមានចេញរោគសញ្ញាអ្វីទាំងអស់ ដោយសារតែប្រព័ន្ធសរីរាង្គខួរឆ្អឹងរបស់ពួកគេនៅមានសមត្ថភាព សម្រាប់ដំណើរការបង្កើតគ្រាប់ឈាម ដូច្នេះហើយ ទើបអ្នកខ្លះមិនមានឃើញរោគសញ្ញាខុសប្រក្រតី។ ក្នុងន័យនេះ ករណីខ្លះ ទោះបីជាធ្វើតេស្ដឈាមក៏គេមិនអាចរកឃើញភាពខុសប្រក្រតីនោះដែរ ឬបើរកឃើញក៏មានតិចតួចបំផុត។ ប៉ុន្ដែ នៅពេលដំណាក់កាលបន្ទាប់ ពោលគឺស្ថានភាពជំងឺកាន់តែវិវត្ត អ្នកជំងឺអាចនឹងមានចេញរោគសញ្ញាមួយចំនួន ដូចជា ស្លេកស្លាំង គ្រាប់ឈាមក្រហមធ្លាក់ចុះ នឿយហត់ និងអស់កម្លាំងជាដើម។ មួយវិញទៀត អ្នកជំងឺ អាចនឹងងាយក្នុងការឆ្លងមេរោគក្នុងឈាម ដោយសារតែគោលិកាឈាមក្រហមធ្លាក់ចុះ ហើយបើមានករណីមុតដាច់ចេញឈាម ឈាមនឹងហូរលឿន ក្រកកជាដើម។ អាការៈមួយទៀត អ្នកជំងឺអាចនឹងមានស្នាមជាំលើស្បែក ឬហូរឈាមតាមអញ្ចាញធ្មេញ ស្រកគីឡូ ក្ដៅខ្លួន និងឡើងកូនកណ្ដុរផងដែរ។
ប្រសិនបើអ្នកជំងឺមានចេញរោគសញ្ញាសង្ស័យ ដូចដែលបានរាប់រៀបខាងលើ លោកអ្នកគួរតែស្វែងរកការប្រឹក្សាជាមួយនឹងគ្រូពេទ្យឯកទេសផ្នែកឈាម ដើម្បីធ្វើរោគវិនិច្ឆយ ក៏ដូចជាធ្វើតេស្ដឈាមឲ្យបានច្បាស់លាស់បំផុត ព្រោះជំងឹមហារីកឈាមនេះ មានច្រើនប្រភេទ ដូច្នេះ ការធ្វើរោគវិនិច្ឆ័យបានត្រឹមត្រូវច្បាស់លាស់ វានឹងធ្វើឲ្យការព្យាបាលកាន់តែមានប្រសិទ្ធភាព និងឆាប់ជាសះស្បើយ។
![95_e0f167dd6b1083816241f01f7ce28e7f](https://cdn.cambonomist.com/media/images/95_e0f167dd6b1083816241f01f7ce28e7f.original.jpg)
តើគេអាចព្យាបាលជំងឺមហារីកឈាមតាមវិធីណាខ្លះ?
ជាការពិតណាស់ មនុស្សម្នាក់ៗពេលដែលលឺជំងឺមហារីកឈាម ច្បាស់ជាមានភាពភ័យខ្លាច និងតក់ស្លុត ប៉ុន្ដែ គេមានវិធីសាស្ត្រព្យាបាលវាបានជាសះស្បើយយ៉ាងមានប្រសិទ្ធភាពខ្ពស់បំផុត។
បើតាមលោកវេជ្ជបណ្ឌិត លីម ជឺអ៊ី ការព្យបាលជំងឺមហារីកឈាមអាចព្យាបាលត្រូវបានបែងចែកជា៣ដំណាក់កាល។ ទី១ គឺការព្យាបាលតាមបែប Chemotherapy ឬហៅថា ការព្យាលបាល ដោយការចាក់គីមី សម្លាប់កោសិកាអាក្រក់ចោល ហើយវាជាវិធីសាស្ត្រព្យាបាល ដែលមានជាយូរមកហើយ ប៉ុន្ដែ នៅតែមានប្រសិទ្ធភាព ប៉ុន្ដែ វាក៏មានជាផលប៉ះពាល់ (Side Effect) ចំពោះអ្នកជំងឺដែរ។ ទី២ គឺការព្យាបាលតាមបែប Targeted Therapies ជាវិធីសាស្ត្រព្យាបាល ដែលធ្វើឡើងចំគោលដៅទៅតាមប្រភេទជំងឺ ហើយវាក៏កាត់បន្ថយផលប៉ះពាល់ចំពោះអ្នកជំងឺឲ្យមាននៅកម្រិតតិចតួចបំផុត។ ទោះយ៉ាងណា វិធីព្យាបាល Targeted Therapies ពេលខ្លះក៏ត្រូវព្យាបាលទន្ទឹមគ្នា នឹងវិធីសាស្ត្រ Chemotherapy ដែរ ដោយអាស្រ័យលើស្ថានភាពអ្នកជំងឺ។ វិធីសាស្ត្រទី៣នោះ គឺការព្យាបាលតាមបែប Immunotherapy គឺជាការព្យាបាលដោយប្រើថ្នាំ ដើម្បីបង្កើនប្រព័ន្ធភាពស៊ាំនៅក្នុងរាងកាយ សម្រាប់ វាយទប់ទល់នឹងមេរោគមហារីក។
![Lim Yaohui_eLYH_2237](https://cdn.cambonomist.com/media/images/Lim_Yaohui_eLYH_2237.original.jpg)
ទោះយ៉ាងណា បើតាមការអះអាងរបស់លោកវេជ្ជបណ្ឌិត លីម ជឺអ៊ី មានករណីខ្លះ ដោយសារជំងឺមហារីកឈាមមានសភាពធ្ងន់ធ្ងរខ្លាំង ដូច្នេះ វិធីសាស្ត្រព្យាបាលទាំងបីខាងលើនេះ ក៏មិនអាចយកឈ្នះលើមេរោគមហារីកឈាមដែលកំពុងរាលដាលខ្លាំងបានដែរ។ ដូច្នេះ គេមានវិធីសាស្ត្រមួយទៀត ដែលជាវិធីសាស្ត្រព្យាបាលពេញនិយម និងមានប្រសិទ្ធភាពខ្ពស់ នោះគឺការព្យាបាលដោយការចាក់ Stem Cell ឬ Bone Marrow Transplant ដែលជាការផ្សាំបណ្ដុះកោសិកាខួរឆ្អឹងថ្មី។ ការព្យាបាលតាមវិធីសាស្ត្រនេះ គឺត្រូវបាន ធ្វើឡើងនៅទូទាំងពិភពលោកអស់រយៈពេល ៦០ឆ្នាំមកហើយ ហើយវាមានប្រសិទ្ធភាពខ្ពស់ សម្រាប់ការព្យាបាលជំងឺមហារីកឈាមធ្ងន់ធ្ងរ ដ្បិតថា អ្នកជំងឺដែលស្ថិតក្នុងដំណាក់នេះ ភាគច្រើន គឺខួរឆ្អឹងរបស់គាត់លែងដំណើរការ ដូច្នេះ គេត្រូវតែផ្ស៊ាំខួរឆ្អឹងថ្មី ឲ្យដំណើរការឡើងវិញ។ ការផ្ស៊ាំខួរឆ្អឹងនេះ គឺត្រូវការរកខួរឆ្អឹងណា ដែលត្រូវគ្នានឹងខួរឆ្អឹងរបស់អ្នកជំងឺ អាចជាសាច់ញាតិ ឬអ្នកណាផ្សេងក៏បាន។ ទោះយ៉ាងណា និតីវិធីក្នុងការព្យាបាលតាមបែប Stem cell ឬ ការបណ្ដុះកោសិកាខួរឆ្អឹងនេះ គឺមានភាពស្មុគ្រស្មាញច្រើន ដែលទាមទារឲ្យអ្នកជំងឺត្រូវសម្រាកពេទ្យ និងតាមដានរយៈពេល១ខែ។
![AR506802](https://cdn.cambonomist.com/media/images/AR506802.original.jpg)
យ៉ាងណាក៏ដោយ ការរីកចម្រើននៃវិស័យបច្ចេកវិទ្យានៅរយៈពេល ១០ឆ្នាំចុងក្រោយនេះ បានជំរុញឲ្យវិស័យសុខាភិបាលកាន់តែមានភាពជឿនលឿន ពោលគឺ មានថ្នាំល្អៗសម្រាប់ការព្យាបាលជំងឺមហារីក និងបន្ថយផលប៉ះពាល់ទៅលើអ្នកជំងឺមកនៅតិចតួចបំផុត ហើយឧបករណ៍បរិក្ខាសម្រាប់ការព្យាបាលទៀតសោតក៏ទំនើបៗផងដែរ។
លោកវេជ្ជបណ្ឌិត បានលើកឡើងថា ដើម្បីប្រាកដច្បាស់អំពីស្ថានភាពជំងឺ អ្នកជំងឺគួរតែស្វែងរកការប្រឹក្សាពីវេជ្ជបណ្ឌិតឯកទេស និងធ្វើការពិនិត្យតាមដានឲ្យបានម៉ត់ចត់ មុននឹងជ្រើសរើសយកការព្យាបាលតាមវិធីសាស្ត្រណាមួយ។
![AR506810](https://cdn.cambonomist.com/media/images/AR506810.original.jpg)
លោកវេជ្ជបណ្ឌិត លីម ជឺអ៊ី បន្ថែមថា ចំពោះការព្យាបាលជំងឺមហារីកឈាមនេះ នៅប្រទេសសិង្ហបុរី គឺមានការពេញនិយមយ៉ាងខ្លាំង ជាពិសេសនៅ Centre for Clinical Haematology របស់លោកផ្ទាល់ ក្នុងមន្ទីរពេទ្យ Mount Elizabeth Novena ការព្យាបាលជំងឺមហារីកឈាម ត្រូវបានធ្វើឡើងយ៉ាងយកចិត្តទុកដាក់បំផុត រាប់តាំងពីការជួបប្រឹក្សាជាមួយអ្នកជំងឺលើកដំបូង រហូតដល់ជាសះស្បើយចេញពីមន្ទីរពេទ្យ។ លើសពីនេះ ការព្យាបាលនៅ Centre for Clinical Haematology មិនផ្ដោតការយកចិត្តទុកដាក់ខ្ពស់លើការព្យាបាលអ្នកជំងឺតែមួយមុខនោះទេ ប៉ុន្ដែ ក្រុមវេជ្ជបណ្ឌិត និងគិលានុបដ្ឋាយិកា តែងតែតាមជួយផ្ដល់ការប្រឹក្សា និងមើលថែក្រុមគ្រួសាររបស់អ្នកជំងឺ ដែលមកជាមួយអ្នកជំងឺផងដែរ។
ជាអនុសាសន៍ ពីលោកវេជ្ជបណ្ឌិត លីម ជឺអ៊ី ដើម្បីសុខភាព ជៀសផុតពីជំងឺផ្សេងៗ យើងម្នាក់ៗគួរតែគិតគូរពីរបបអាហារទទួលទានប្រចាំថ្ងៃឲ្យបានត្រឹមត្រូវ ដូចជាត្រូវញាំអាហារណា ដែលល្អសម្រាប់សុខភាព មិនផ្អែមពេក ប្រៃពេក ឬមានជាតិខ្លាញ់ច្រើន។ មួយវិញទៀត ត្រូវមានការហាត់ប្រាណជាប្រចាំ និងត្រូវតាមដាន ឬពិនិត្យសុខភាពឲ្យបានទៀងទាត់។
ប្រសិនបើលោកអ្នកមានបំណងចង់សាកសួរព័ត៌មានបន្ថែមអំពីជំងឺឈាម សូមទំនាក់ទំនងទៅកាន់៖
https://www.facebook.com/IHHHealthcareSingaporeKH?mibextid=ZbWKwL
![AR506843](https://cdn.cambonomist.com/media/images/AR506843.original.jpg)
![AR506916](https://cdn.cambonomist.com/media/images/AR506916.original.jpg)
![AR506932](https://cdn.cambonomist.com/media/images/AR506932.original.jpg)
![AR506952](https://cdn.cambonomist.com/media/images/AR506952.original.jpg)
![MNH_Exterior (Day)_DIsky](https://cdn.cambonomist.com/media/images/MNH_Exterior_Day_DIsky.original.jpg)
![MNH Lobby](https://cdn.cambonomist.com/media/images/MNH_Lobby.original.jpg)
![AR506956](https://cdn.cambonomist.com/media/images/AR506956.original.jpg)
![MOUNT_ELIZABETH-12](https://cdn.cambonomist.com/media/images/MOUNT_ELIZABETH-12.original.jpg)
![operating-theatre](https://cdn.cambonomist.com/media/images/operating-theatre.original.jpg)
![Single Room](https://cdn.cambonomist.com/media/images/Single_Room.original.jpg)