តើមានកត្តាអ្វីខ្លះជំរុញឲ្យតម្លៃប្រេងឆៅពិភពលោកនឹងធ្លាក់ចុះបន្ថែមទៀតនៅសប្ដាហ៍នេះ?
ព័ត៌មាន
•
តម្លៃប្រេងឆៅពិភពលោក ត្រូវបានគេរំពឹងថា នឹងបន្ដធ្លាក់ចុះបន្ថែមទៀតនៅសប្ដាហ៍នេះ ដែលអាចនឹងមានតម្លៃមកនៅត្រឹមចន្លោះពី ៩៨ ទៅ១០០ដុល្លារក្នុងមួយធុ…
ប្រធានាធិបតីឥណ្ឌូនេស៊ីនឹងក្លាយជាមេដឹកនាំប្រទេសទីមួយ ដែលលោកស៊ី ជីនពីងទទួលជួបក្នុងទស្សនកិច្ចផ្លូវរដ្ឋនៅទីក្រុងប៉េកាំង ដោយមិនរាប់បញ្ចូលកាលពីពេលស្វាគមន៍មេដឹកនាំនានា អំឡុងកីឡាអូឡាំពិកនោះឡើយ។ លើសពីនេះលោកស៊ី ជីនពីង ក៏មិនដែលចេញទៅទស្សនកិច្ចក្រៅប្រទេសជាផ្លូវការម្តងណាឡើយ ចាប់តាំងពីការរាលដាលកូវីដ១៩កាលពីឆ្នាំ២០២០ លើកលែងតែការធ្វើដំណើរទៅកាន់ទឹកដីទីក្រុងហុងកុងកាលពីខែមុននេះ។
បើតាមរដ្ឋមន្ត្រីការបរទេសឥណ្ឌូនេស៊ី ទស្សនកិច្ចលើកនេះ នឹងផ្តោតសំខាន់អំពីការពង្រឹងកិច្ចសហប្រតិបត្តិការសេដ្ឋកិច្ច ជាពិសេសក្នុងវិស័យពាណិជ្ជកម្ម និងការវិនិយោគ។ មន្ត្រីជាន់ខ្ពស់ក្រុងហ្សាកាតារូបនេះបន្តថា លោកវីដូដូ នឹងជជែកជាមួយសមភាគីចិនអំពីបញ្ហាក្នុងតំបន់ និងអន្តរជាតិ ក៏ដូចជាអំពាវនាវឱ្យមានសន្តិភាពផងដែរ។
គួរជម្រាបថា នៅមួយឆ្នាំចុងក្រោយពិសេសអំឡុងពេលធ្វើជាប្រធានក្រុមប្រទេសមានសេដ្ឋកិច្ចរីកចម្រើនទាំង២០ ឥណ្ឌូនេស៊ីហាក់បានធ្វើការយ៉ាងសកម្មក្នុងការបង្កើតកិច្ចសហប្រតិបត្តិការ និងការផ្សព្វផ្សាយស្មារតីនៃសាមគ្គីភាព និងសន្តិភាព ចំពេលដែលស្ថានការណ៍ពិភពលោកពោរពេញដោយការប្រកួតប្រជែង និងការថយចុះតម្លៃនៃពហុភាគីនិយម។
ដោយឡែក លោក Wang Wenbin អ្នកនាំពាក្យក្រសួងការបរទេសចិនបានបង្ហាញក្តីសង្ឃឹមថា តាមរយៈដំណើរទស្សនកិច្ចរបស់ប្រធានាធិបតី Joko Widodo ភាគីទាំងពីរនឹងធ្វើការស៊ីជម្រៅបន្ថែមទៀត នូវទំនុកចិត្តជាយុទ្ធសាស្ត្ររវាងគ្នា និងកិច្ចសហប្រតិបត្តិការ ហើយបង្កើត ផលប្រយោជន៍ទៅវិញទៅមក។
គួរបញ្ជាក់ថា ក្រោយបញ្ចប់ដំណើរទស្សនកិច្ចនៅទីក្រុងប៉េកាំង ប្រធានាធិបតីឥណ្ឌូនេស៊ីនឹងបន្តដំណើរទៅកាន់ទីក្រុងតូក្យូ ដើម្បីជួបនាយករដ្ឋមន្ត្រីជប៉ុននៅថ្ងៃពុធ រួចចុងក្រោយលោកនឹងធ្វើដំណើរទៅទីក្រុងសេអ៊ូល ជាកន្លែងដែលលោកនឹងជួបជាមួយប្រធានាធិបតីកូរ៉េខាងត្បូង Yoon Suk-yeol នៅថ្ងៃព្រហស្បតិ៍សប្តាហ៍នេះ។
ទោះបីជាការវាយប្រហារយោធារបស់រុស្ស៊ីលើអ៊ុយក្រែនកំពុងបន្ត និងបានធ្វើឱ្យប្រេះស្រាំដល់ក្រុមប្រទេសមានសេដ្ឋកិច្ចជឿនលឿនទាំង២០ក៏ដោយ ក៏លោកវីដូដូ នៅតែអញ្ជើញប្រធានាធិបតីរុស្ស៊ីលោកពូទីន មកកាន់កិច្ចប្រជុំកំពូលប្រចាំនៅចុងឆ្នាំនេះដដែល។ ទោះយ៉ាងណា ក្នុងនាមជាម្ចាស់ផ្ទះនៃព្រឹត្តិការណ៍ដ៏ធំនេះ លោក វីដូដូ នឹងប្រឈមមុខនឹងកិច្ចការដ៏លំបាកក្នុងការបង្កើតបរិយាកាសវិជ្ជមាន ស្របពេលដែលប្រទេសមួយចំនួនប្រឆាំងនឹងវត្តមានរបស់រុស្ស៊ីនៅក្នុងជំនួបកំពូលនេះ។
គួររំឭកថាដែរថា ក្រៅតែពីជួបជាមួយនឹងសមភាគីឥណ្ឌូនេស៊ី ប្រមុខដឹកនាំចិនក៏គ្រោងនឹងជួបជាមួយនឹងប្រធានាធិបតីអាមេរិកតាមអនឡាញម្តងទៀតផងដែរនៅចុងសប្តាហ៍នេះ និងបើទោះបីលោកចូ បៃឌិន កំពុងវិជ្ជមានកូវីដ១៩ក៏ដោយ៕
