តើក្រុមការងាររៀបចំផែនការយុទ្ធសាស្ត្រទីស្ដីការគណៈរដ្ឋមន្ត្រី ឆ្នាំ២០២៣-២០៣៨ មានតួនាទី និងភារកិច្ចអ្វីខ្លះ?

ក្រុមការងារ​រៀបចំផែនការ​យុទ្ធសាស្ត្រ​ទីស្ដីការគណៈរដ្ឋមន្ត្រី ឆ្នាំ២០២៣-២០២៨ ត្រូវបានបង្កើតឡើង ដោយមាន​ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ ជាប្រធាន និងមានអនុប្រធានចំនួន ៥រូប និងសមាជិក​ចំនួន ១៦រូប។

ក្រុមការងារនេះ មានតួនាទី និងភារកិច្ចដូចជា៖

- ដឹកនាំពិនិត្យ និងផ្ដល់ការតម្រង់ទិសលើការរៀបចំឯកសារទស្សនាទាននៃផែនការយុទ្ធសាស្ត្រ​ទីស្ដីការគណៈរដ្ឋមន្ត្រី តាមរយៈការកំណត់ចក្ខុវិស័យ គោលបំណង គោលដៅអាទិភាព ការបែងចែងមុខងារ ការទទួលខុសត្រូវ និងយុទ្ធសាស្ត្រអភិវឌ្ឍ​ស្ថាប័នរបស់អង្គភាពក្រោមឱវាទ

- ដឹកនាំពិនិត្យ និងសម្រេចលើសេចក្ដីព្រាងផែនការយុទ្ធសាស្ត្រទីស្ដីការគណៈរដ្ឋមន្ត្រី

- ដឹកនាំតាមដាន ត្រួតពិនិត្យ និងវាយតម្លៃការអនុវត្តផែនការយុទ្ធសាស្ត្រប្រចាំឆមាស

- ពិនិត្យ និងសម្រេចលើរបាយការណ៍វឌ្ឍនភាពនៃការអនុវត្ត​ផែនការយុទ្ធសាស្ត្រ និងផ្ដល់ការណែនាំតម្រង់ទិស ដើម្បីសម្រេចបាននូវចក្ខុវិស័យ គោលបំណង និងគោលដៅ​អាទិភាព ដែលបានដាក់ចេញ​

- ដឹកនាំសម្របសម្រួល និងសហការជាមួយដៃគូអភិវឌ្ឍ ស្ថាប័នជាតិ និងអន្តរជាតិ ក្រោមកិច្ចសហប្រតិបត្តិការ​ផ្សេងៗ ក្នុងការពង្រឹងសមត្ថភាពស្ថាប័ន និងមូលធនមនុស្ស។

ក្រុមការងារ​ខាងលើនេះ មានក្រុមការងារចំពោះកិច្ច ជាសេនាធិការសម្រាប់ជួយរៀបចំសេចក្ដីព្រាង​ផែនការយុទ្ធសាស្ត្រនេះ ដែលមានសមាសភាពប្រធានចំនួន ១រូប អនុប្រធានចំនួន​៤រូប និងសមាជិក​ចំនួន​១៩រូបផងដែរ៕