ទោះយ៉ាងណា ប្រធានសមាគមកាត់វាយនភណ្ឌ និងកាត់ដេរ វៀតណាម បានលើកឡើងថា ការផ្ទុះរាលដាលនៃមេរោគ នឹងបន្ដធ្វើឲ្យប៉ះពាល់ដល់វិស័យនេះ រហូតដល់ឆ្នាំ២០២២។ ប្រសិនបើវ៉ាក់សាំងកូវីដ-១៩ អាចរួចរាល់នៅក្នុងត្រីមាសទី និងត្រីមាសទី២ នៅក្នុងឆ្នាំ២០២១នេះ នោះមេរោគកូវីដ-១៩ គឺត្រូវបានរំពឹងថាអាចនឹងត្រូវគ្រប់គ្រងបាននៅត្រឹមចុងឆ្នាំ២០២៣ ដូច្នេះ ទីផ្សារវាយនភណ្ឌ និងកាត់ដេរអាចនឹងមើលឃើញពីការងើបឡើងវិញ។
អ្នកជំនាញនៅក្នុងវិស័យវានភណ្ឌ និងកាត់ដេរវៀតណាម បាននិយាយទៀតថា វិស័យនេះ ត្រូតែផ្លាស់ប្ដូរការផលិត និងគំរូអាជីវកម្មរបស់ខ្លួន ដោយសារតែការរាតដាលនៃមេរោគបានធ្វើឲ្យអំណាចនៃការបញ្ជាទិញសកលលោកលើផលិតផលវាយនភណ្ឌ រួមទាំងការនាំចេញផលិតផលកាត់ដេរតាមបែបប្រពៃណៃ មានការធ្លាក់ចុះដល់ទៅ៧០ ទៅ៨០ភាគរយ។
អត្ថបទទាក់ទង
ហើយនេះ គឺជាការប្រឈមធំបំផុតសម្រាប់វិស័យឧស្សាហកម្មវាយនភណ្ឌ និងកាត់ដេរវៀតណាម។
បើតាមអ្នកជំនាញ ឧស្សាកម្មវាយនភណ្ឌ និងកាត់ដេរវៀតណាម ត្រូវការកសាងខ្សែចង្វាក់ផលិតកម្ម ពិសេសជាមួយបណ្ដាប្រទេសនៅក្នុងតំបន់ដែលបានចុះកិច្ចព្រមព្រៀងជាមួយវៀតណាម និងអាស៊ាន។ បន្ថែមពីនេះ វិស័យនេះ ត្រូវការយុទ្ធសាស្ត្រអភិវឌ្ឍន៍ប្រកបដោយចីរភាព រួមមានការផ្លាស់ប្ដូរការផលិត និងគំរូអាជីវកម្ម ទៅតាមតម្រូវការនៃអតិថិជនដែលជាម្ចាស់ម៉ាកនៅទូទាំងសកលលោក។
ក្រសួងឧស្សាហកម្ម និង ពាណិជ្ជកម្មវៀតណាម ក៏បានរំពឹងថា វិស័យឧស្សាហកម្មវាយនភណ្ឌ និងកាត់ដេរ នឹងមានឱកាសអភិវឌ្ឍដ៏ល្អពីការចុះកិច្ចព្រមព្រៀងពាណិជ្ជកម្មសេរីដែបាលនចុះនាពេលថ្មីៗនេះ ពិសេសទទួលបានសក្ដានុពលក្នុងការបង្កើនការនាំចេញទៅកាន់ទីផ្សារធំៗកាន់តែច្រើន។
សូមបញ្ជាក់ថា នៅឆ្នាំ២០២១នេះ វៀតណាមរំពឹងនឹងអាចនាំចេញផលិតផលកាត់ដេរ ក្នុងតម្លៃជាទឹកប្រាក់៣៩ពាន់លានដុល្លារអាមេរិក ខណៈដែលកាលពីឆ្នាំ២០២០ នាំចេញបានប្រមាណ៣៥ពាន់លានដុល្លារ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
