លោកបណ្ឌិត អ៊ិន ចាន់នី អគ្គនាយកប្រតិបត្តិធនាគារអេស៊ីលីដា បានឲ្យដឹងថា មូលហេតុដែលធនាគារពិភពលោក និងសាជីវកម្មហិរញ្ញវត្ថុអន្តជាតិ ជ្រើសរើសយកធនាគារនិងវិទ្យាស្ថានពាណិជ្ជសាស្រ្តអេស៊ីដា ជាកន្លែងសម្រាប់ចុះទស្សនកិច្ចនោះ ដោយសារតែទីមួយប្រទេសកម្ពុជា គឹភាគហ៊ុនិកនៃធនាគារពិភពលោក ហើយទី២ធនាគារអេស៊ីលីដា ជាស្ថាប័នធនាគារមួយដែលឈានមុនគេនៅកម្ពុជាលើវិស័យហិរញ្ញវត្ថុ រួមទាំងវិទ្យាស្ថានពាណិជ្ជសាស្រ្តអេស៊ីលីដា ដែលជាវិទ្យាស្ថានមួយដែលប្រើប្រាស់បច្ចេកវិទ្យា Green Building ផងនោះ ទើបជំរុញឲ្យគណៈប្រតិភូនៃស្ថាប័នពិភពលោកទាំង២នេះ ចាប់អារម្មណ៍មកលើអេស៊ីលីដា។
អត្ថបទទាក់ទង!
លោកបណ្ឌិតអ៊ិន ចាន់នីបានបន្ថែមថា នៅក្នុងដំណើរទស្សនកិច្ចនេះដែរ ក្រុមប្រឹក្សាភិបាលធនាគារពិភពលោក (World Bank) និងសារជីវកម្មអន្តរជាតិ (International Finance Corperation) បានពិភាក្សាជាមួយលោក រួមទាំងសាកសួរមួយចំនួន ដែលទាក់ទងនឹងដំណើររបស់ធនាគារ និងកត្តាដែលធ្វើឲ្យធនាគារក្លាយជាធនាគារឈានមុខនៅកម្ពុជាផងដែរ។
ជាមួយនេះដែរ លោកបណ្ឌិតបានពិភាក្សាជុំវិញ ផែនការយុទ្ធសាស្រ្តរយៈពេលមធ្យម និងរយៈពេលវែង ចំពោះការប្រើប្រាស់បច្ចេកវិទ្យាហិរញ្ញវត្ថុទំនើប ហៅថា FinTech និងការរៀបចំដំណើរជាធនាគារឌីជីថលទៀតផង។ លោកបានបញ្ជាក់ថា ការពិតទៅធនាគារអេស៊ីលីដា បានដាក់ឲ្យប្រើប្រាស់ប្រព័ន្ធហិរញ្ញវត្ថុតាមទូរស័ព្ទដៃតាំងពីឆ្នាំ ២០១០ មកម្លេះ គឺអេស៊ីលីដាទាន់ចិត្ត ដោយតែងតែមានការ Update ជាបន្តបន្ទាប់ ដែលនេះជាចំនែកមួយនៃផែនការអភិវឌ្ឍបច្ចេកវិទ្យាហិរញ្ញវត្ថុទំនើប ឬហៅថា FinTech។
ចំពោះវិទ្យាស្ថានពាណិជ្ជសាស្រ្តអេស៊ីលីដា លោកបណ្ឌិតបានឲ្យដឹងថា នេះគឺថ្នាលអប់រំមួយ ដែលបណ្តុះបណ្តាលធនធានមនុស្សប្រកបដោយចំណេះជំនាញពិតប្រាកដ និងមានគុណភាពខ្ពស់ ដើម្បីគាំទ្រដល់វិស័យហិរញ្ញវត្តុទាំងមូល ដែលមិនសម្រាប់តែធនាគារអេស៊ីលីដាមួយទេ គឺរួមបញ្ចូលទាំងថ្នាក់ជាតិនិងថ្នាក់អន្តរជាតិ ដែលនេះជាទិសដៅសំខាន់របស់ក្រុមប្រឹក្សាភិបាលធនាគារពិភពលោក (World bank) ដែលតំណាងឲ្យ៦៣ប្រទេស ដោយមានសំឡេងបោះឆ្នោតជាង ៤០% បានរើសយកអេស៊ីលីដា ជាទីកន្លែងសម្រាប់ចុះទស្សនកិច្ច។
ធនាគារនិងវិទ្យាស្ថានពាណិជ្ជសាស្រ្តអេស៊ីលីដា ត្រូវបានស្ថាប័នអន្តរជាតិធំពីរ ជ្រើសរើសសម្រាប់ចុះទស្សនកិច្ច
ក្រៅពីជួបជាមួយអគ្គនាយកប្រតិបត្តិធនាគាអេស៊ីលីដាហើយ ក្រុមប្រឹក្សាភិបាលធនាគារពិភពលោក (World Bank) និងសារជីវកម្មអន្តរជាតិ (International Finance Corperation)នេះក៏បានជួបជាមួយនាយកវិទ្យាស្ថានពាណិជ្ជសាស្ត្រអេស៊ីលីដា(AIB) និងសាស្ត្រាចារ្យមួយចំនួនទៀត ដើម្បីសាកសួរពីដំណើការនៃការៀបចំវិទ្យាស្ថាន ក៏ដូចជាការបណ្តុះបណ្តាលនិស្សិតនៃវិទ្យាស្ថាននេះផងដែរ។ថ្នាក់ដឹកនាំ សាស្រ្តាចារ្យ រួមទាំងសហការីនៃវិទ្យាស្ថានពាណិជ្ជសាស្ត្រអេស៊ីលីដា(AIB) ក៏បានជូនគណៈប្រតិភូចុះទៅទស្សនាបន្ទប់សិក្សា និងបន្ទប់ស្រាវជ្រាវនានាក្នុងវិទ្យាស្ថាន ដែលបំពាក់ទៅដោយប្រព័ន្ធបច្ចេកវិទ្យាទំនើបៗ ជាពិសេសទស្សនាការប្រើប្រាស់ប្រព័ន្ធចម្រោះទឹកកខ្វក់ក្នុងអគារ ដើម្បីយកប្រើប្រាស់ក្នុងសួនច្បារជាដើម។
តាមការឲ្យដឹងពីអគ្គនាយកប្រតិបត្តិធនាគារអេស៊ីលីដា លោកបណ្ឌិត អ៊ិន ចាន់នី ប្រាប់ថា ការចុះទស្សនកិច្ចរបស់ក្រុមប្រឹក្សាភិបាលធនាគារពិភពលោក (World Bank) និងសារជីវកម្មអន្តរជាតិ (International Finance Corperation) នាពេលនេះ គឺបង្ហាញថា ធនាគារ និងវិទ្យាស្ថានពាណិជ្ជសាស្ត្រអេស៊ីលីដា ក្នុងនាមជាស្ថាប័នឯកជន បានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចជាតិ ជាពិសេសវិស័យហិរញ្ញវត្ថុ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
